وزيرة سابقة: “واش حنا عساسة بالكونترا” ؟
الرباط – الأسبوع
تساءلت الوزيرة السابقة حكيمة الحيطي عن مصير أموال الاتحاد الأوروبي المخصصة لمكافحة الهجرة غير النظامية، وضبط المغرب لحدوده، وقالت في تدوينة لها: “أجي نتكلمو فالمعقول اللي بزاف كيهربو منو.. من 2001، الاتحاد الأوروبي وإسبانيا خسرو أكثر من مليار يورو كتمويلات باش المغرب يضبط الحدود ديالو، وغيزيدو 190 مليون يورو أخرى حتى لـ 2027”.
وأضافت الحيطي: “مليار يورو ديالاش؟ واش مشات باش نبنيو مصانع فالمناطق اللي كيهربو منها الشباب؟ لا! مشات فالحواجز، الأسلاك، والمقاربة الأمنية”، موضحة أن “المغرب دولة ذات سيادة، وماشي جوندارم تحت الطلب ديال أوروبا. الدبلوماسية ديالنا قالتها شحال من مرة، ولكن خاص التطبيق فالميدان”، ودعت إلى القطع مع هذه السياسة التي تنظر للنتيجة وتترك الأسباب، وتفعيل استثمارات حقيقية في المغرب العميق، متسائلة: “واش كتقبلو نكونو غير حراس لرفاهية أوروبا بينما ولادنا كيموتو فالبحر ؟”.
